ڕۆژ چوارشەممە ٢٠٢٣/١/٢٥ بەڕێز دادوەر جاسم جزاء جافر هەورامی سەرۆکی دادگای تێهەڵچونەوەی ناوچەی سلێمانی پێشوازیکرد لە شاندێکی قونسوڵخانەی بەریتانیا کە پێکهاتبوون لە بەڕێزان خاتوو کریستینا، جێگری قونسوڵی بەریتانیا لە هەرێم و شاندێکی یاوەری.
لە دیدارێکدا گفتوگۆ کرا دەربارەی ئەو خولانەی کە ڕێکخراوێ (Axiom International) بە هاوکاری قونسوڵخانەی بەریتانیا بۆ دادوەران و لێکۆڵەرانی دادوەری دەیانکاتەوە.
شاندی میوان سوپاسی سەرۆکی دادگایان کرد لەپای ئاسانکاری و هەماهەنگی بۆ بەڕێوەچوونی خولەکان و دابینکردنی پێداویستییەکانی.
بەرێز سەرۆکی دادگا پاش بەخێرهێنانیان باسی گرنگی ئەو جۆرە خولانەی کرد و ئاگاداربونی دادوەرانی لە بنەما نوێیەکانی لێکۆڵینەوە و کاری دادوەری و نوێکردنەوەی بەردەوامی زانیاریەکانیانی بە پێویستیەکی هەنوەکەیی ناوبرد.
© 2019 هەموو مافێکی پارێزراوە بۆ تیمی ئایتی دادگای سلێمانی
