ژماره‌یه‌ك دادوه‌ری دادگای پێداچوونه‌وه‌ی هه‌رێم سوێندی یاساییان خوارد
له رێوره‌سمێكدا به ئاماده‌بوونی به‌ڕێزان نێچیرڤان بارزانی و قوباد تاڵه‌بانی سه‌رۆك و جێگری سه‌رۆك وه‌زیرانی هه‌رێمی كوردستان و به‌ڕێز دادوه‌ر به‌نگین قاسم محمد سه‌رۆكی ئه‌نجومه‌نی دادوه‌ری هه‌رێم، ژماره‌یه‌ك دادوه‌ری دادگای پێداچوونه‌وه‌ی هه‌رێم سوێندی یاساییان خوارد.
شایه‌نی باسه، ئه‌نجومه‌نی دادوه‌ری به پێی بڕیاری ژماره ( 227) له (4/6/2018) كه تایبه‌ته به دامه‌زراندنی دادوه‌ری نوێ بۆ دادگای پێداچوونه‌وه و پشت به‌ستن به حوكمی ماده 43 له یاسای ده‌سه‌ڵاتی دادوه‌ری ژماره 23ی ساڵی 2007 بڕیاری دا، به پێی ئه‌قده‌می دادوه‌ران و ریزبه‌ندیان له دادگای پێداچوونه‌وه‌ی هه‌رێمی كوردستان دابمه‌زرێن و دواتریش ئه‌نجومه‌نی وه‌زیرانی هه‌رێم به پێی ئه‌و ده‌سه‌ڵاته‌ی پێدراوه له دابه‌شكردنی ده‌سه‌ڵاته‌كانی سه‌رۆكایه‌تی هه‌رێم، به پێی بڕگه‌ی چواره‌م له ماده‌ی 37ی یاسای ده‌سه‌ڵاتی دادوه‌ری ژماره 23ی ساڵی 2007، و له‌سه‌ر رۆشنایی پاڵاوتنی ئه‌نجومه‌نی دادوه‌ری بڕیاری دا به دامه‌زراندنی 10 دادوه‌ر وه‌ك ئه‌ندامی نوێی دادگای پێداچوونه‌وه‌ی هه‌رێمی كوردستان.
بەڕێز دادوەر: لطیف عثمان شریف
بەڕێز دادوەر: خدر حسن محمد
بەڕێز دادوەر: هاشم عبدالحامد حمە سعيد
بەڕێز دادوەر: کمال عبدالله رفیق
بەڕێز دادوەر: شوان محي الدین علی
بەڕێز دادوەر: نەشئەت أحمد رشید
بەڕێز دادوەر: محمد مصطفى محمود
بەڕێز دادوەر: موصلح گیلانی عمر
بەڕێز دادوەر: سامح عثمان یونس
بەڕێز دادوەر: عبدالجبار عزیز حسن
© 2019 هەموو مافێکی پارێزراوە بۆ تیمی ئایتی دادگای سلێمانی
