سەرۆکایەتی دادگای تێهەڵچوونەوەی ناوچەی سلێمانی

ڕاگەیاندنی سەرۆکایەتی دادگای تێهەڵچونەوەی ناوچەی سلێمانی مەراسیمێکی ڕێزلێنانی بۆ سێ دادوەری خانەنشین ڕێکخست.

بەهۆی کۆتاییهاتنی تەمەنی یاساییانەوە سێ دادوەری بەڕێزی سەر بە سەرۆکایەتیمان خانەنشین بوون و ئەمرۆ کۆتا رۆژی دەوامیان بوو کە پێکهاتبوون لە بەڕێزان دادوەران عبدالله اسماعیل امین و ابوبکر مولود عبداللە و صلاح الدين احمد عارف.

سەرەتا بەڕێز سەرۆکی دادگا وتەیەکی پێشکەشکرد و تیایدا خزمەت و ماندووبوونی چەندین ساڵەی ئەو دادوەرانەی بەرز نرخاند و ڕایگەیاند خانەنشینبوونی ئەم دادوەرانە خەسارەتێکی گەورەیە بۆ دادگا و دەسەڵاتی دادوەری، بەڵام ڕەوتی ژیان ئاوایە و هەمووان پێیایدا تێدەپەڕین، پاشان سوپاسی کردن و هیوای ژیانێکی ئاسوودە و کامەران و تەندروستییەکی باشی بۆ خواستن و پێی ڕاگەیاندن کە دادگا دەستبەرداریان نابێت و هەمیشە و هەرکاتێک پێوییست بێت ڕاوێژیان پێدەکرێت و سود لە شارەزایی و ئەزموونیان وەردەگیرێت.

لەکۆتاییدا لەلایەن بەڕێز سەرۆکی دادگاوە بڕوانامەی ڕێزلێنان بەخشرایە ئەو سێ دادوەرە بەڕێزە و بە سوپاسەوە بەڕێکران.