بەمەبەستی دروستکردنی هەماهەنگی زیاتر و باشتر ڕاپەڕاندنی ئەو کارانەی کە پەیوەندی بە دادگا و دامەزراوە تەندروستییەکانەوە هەیە، ئەمڕۆ یەکشەممە ٢٠٢١/١٠/١٧ بەڕێز دادوەر جاسم جزاء جافر هەورامی سەرۆکی دادگای تێهەڵچونەوەی ناوچەی سلێمانی سەردانی بەڕێوەبەرایەتی گشتی تەندروستی سلێمانی کرد و لەلایەن بەڕێزان بەڕێوەبەری گشتی تەندروستنی سلێمانی و جێگر و کۆمەڵێک لە بەڕێوەبەرانی بەشەکانی بەڕێوەبەرایەتییەکەوە پێشوازی لێکرا.
لە میانەی باسکردنی کێشە و گرفتەکان، بەرێز سەرۆکی دادگا ڕایگەیاند کە ناڕوونی هەیە لە هەندێک لەو ڕاپۆرتە پزیشکیانەی کە تایبەتە بەو کەیسانەی کە لایەنەکانی داوا پێویستیانە و دادگا داوای دەکات، جەختیکردەوە کە پێویستە ڕاپۆرتەکان لەلایەن پزیشکی پسپۆڕی ئەو بوارەوە ئامادە بکرێت و ڕوون و یەکلاکەرەوە بێت بۆ دادگا.
لە تەوەرێکی تردا بەڕێز سەرۆکی دادگا ڕایگەیاند کە پێویستە دەرون نادروستەکان شوێنیان بکرێتەوە لە نەخۆشخانە حکومییەکانی تایبەت بەو بوارە و چارەسەر و چاودێری پێویست بکرێن.
بەڕێز بەڕێوەبەری گشتی تەندورستی ئامادەیی بەڕێوەبەرایەتیەکەی دەربڕی بۆ هەموو هەماهەنگیەک و ڕایگەیاند ئامادەی جێبەجێکردنی فەرمانەکانی دادگا و هەر کارێکن کە ببێتە هۆی ئاسانکاری بۆ هاووڵاتیان.
© 2019 هەموو مافێکی پارێزراوە بۆ تیمی ئایتی دادگای سلێمانی
