ئەمڕۆ سێشەممە ٣٠-٣-٢٠٢١ بەڕێز دادوەر جاسم جزاء جافر هەورامی سەرۆکی دادگای تێھەڵچونەوەی ناوچەی سلێمانی پێشوازیکرد لە شاندێکی ڕێکخراوی (Axiom) کە ڕێکخراوێکی بەریتانیە و لە بواری یاسادا کار داکات، شاندەکە بە مەبەستی دروستکردنی هەماهەنگی لە نێوان دەزگاکانی دادوەری هەرێم و بەریتانیا هاتبوون.
بەرێز سەرۆکی دادگا پاش بەخێرهاتنیان کورتەیەکی لەسەر بەشەکانی دادگا و چۆنیەتی بەڕێوەچوونی کارەکان و گرفت و کێشەکانی دادگای بۆ شاندی میوان خستەڕوو، پاشان بۆ بەرچاوڕوونی زیاتر بەڕێز سەرۆکی دادگا و شاندی میوان چەند بەشێکی دادگایان بەسەر کردەوە.
شاندەکە خۆشحاڵی و سەرسامی خۆیان دەربڕی بە شێوازی بەڕێوەچوونی کارەکانی دادگا و ڕایانگەیاند کە ئەوەی لە دادگای سلێمانی بینیویانە لە سیستمی ئەلکترۆنی و پاک و خاوێنی و ڕێکخستنی شوێن و تابلۆ و ژمارەی سەر ژوور و بەشەکان (کە بە سێ زمان نوسراوە) لە هیچ دادگایەکی تری عێراق نەیانبینووە و، ڕایانگەیاند کە بۆ زیاتر خزمەتکردنی بواری دادوەری لەم ناوچەیە خولێکی تایبەت بۆ دادوەرانی دادگای تێهەڵچونەوە و دادگای تاوانەکان دەکەنەوە.
© 2019 هەموو مافێکی پارێزراوە بۆ تیمی ئایتی دادگای سلێمانی
