سەردانی سەرۆکی دادگا بۆ دادگای بەرایی شارەزور و سیدصادق
ڕۆژی چوار شەممە ٢٠١٨/١٢/١٩ بەمەبەستی لەنزیکەوە ئاگاداربون لە کێشەکانیان و دڵنیابون لە جێبەجێ کردنی ئەو پلانەی لە سەردانی پێشویان بۆ چارەسەری کێشەکانیانی دانرابوو. بەڕێز دادوەر (جاسم جزاء جافر) سەرۆکی دادگای تێهەڵچونەوەی ناوچەی سلێمانی سەردانی هەردوو دادگای بەرایى شارەزوور و سیدصادقی کرد و لەگەڵ بەڕێزان دادوەر و داواکاری گشتی هەردوو دادگای ناوبراو کۆبویەوە.
سەردانەکە بۆ بەدواداچوونی ئەو بڕیار و راسپاردە و داواکاری و پێداویستییانە بوو لە سەردانی پێشوویدا خرابوونەڕوو، تا بزانرێت چەندیان جێبەجێ کراون و چی ماوە جێبەجێ بکرێت.
پاش گفتوگۆ کردن دەربارەی کێشەکانیان، جەختکرایەوە لەسەر دۆزینەوەی میکانیزمی باشتر بۆ زیاتر چەسپاندنی یاسا و خزمەتکردنی هاوڵاتیانی دەڤەرەکە و هەندێ داواکاری و پێداویستی بەپەلەیان هەبوو بڕیاردرا بۆیان جێبەجێ بکرێت.
© 2019 هەموو مافێکی پارێزراوە بۆ تیمی ئایتی دادگای سلێمانی
